[i563]
DE LA VILLE DE PARIS.
261
elles respectivement faictes de ne informer pour rai­son de ce. Et neantmoins leur est enjoinct de nom­mer deulx informer des aucteurs delad, querelle et de ceulx qui se sont mis en debvoir dc offencer les ungs les aultres, pour estre puniz selon l'exigence du cas, et deffences à elles faictes de ne mesfaire ne mesdire, mais vivre amiablement ensemblement, sur peine d'amende arbitraire.
Deffences de porter tabourins aux portes.
"Mathurin de Beausse, Quarlenier de lad. Ville, nous vous mandons de dire à tous les capitaines de vostre quartier qu'ilz enjoignent aux chefz d'hos-tclz qui sont soubz leurs charges d'assister en per­sonne à la garde des portes d'icelle Ville et eulx trouver à l'ouverture d'icelles, en peine de l'admende et soubz les contrainctes portées par les ordonnances cy devant faictes pour cest effect. Et en ce faisant, pourront lesd, capitaines, pour le soulagement du peuple, diminuer de moictié ie nombre des hommes qu'ilz ont acoustumé de appeller à lad. garde des portes, et oultre leur dictes que, suivant le voulloir et intention du Roy, ilz se depportent de plus faire porter d'enseignes ny tabourins esd. portes; et au surplus qu'ilz facent faire exactement le guet et garde dc la nuict, et nous rapportez par escript les noms desd, capitaines, ausquelz vous aurez signiffié le contenu cy dessus, ensemble la responce qu'ilz vous auront faicte, et parlez vous mesmes ausd, capi­taines sans vous en descharger sur voz Cinquante­niers et Dixainiers.
«Faict au Bureau de lad. Ville, led. jour et an."
Jehan Gault, crocheleur gaigne denier, demourant
rue du Cimetiere Sainct Nicolas, Guillaume Bour-, geois, sans maistre et sans adveu, Pierre Froissarl, natif de Chaulny, soy disant serviteur en l'hostel du Lyon d'or, rue du Bourg l'Abbé, Vvon Torchon, soy disant serviteur de Noel Pinteur, demourant en lad. rue, admenez ceans prisonniers par le capitaine Chartier pour avoir esté trouvez, lesd. Bourgeois et aultres, couchez en la maison dud. Gault, en la maison duquel avoit esté trouvé couché, huict jours y a, led. Bourgeois par led. capitaine et ses gens, lequel capitaine auroit faict commandement, sui­vant celluy par nous faict aud. Bourgeois cy devant, de vuyder de la Ville dans vingt quatre heures, ou cas qu'il n'eust trouvé maistre, et deffences aud. Gault de ne le retirer. A esté ordonné qu'ilz seront mis prisonniers es prisons de ceans, jusques ad ce que aultrement en ayt esté ordonné.
Baulde.
Ced. jour. Anthoine Baude a esle receu au serment acoustumé de l'estat de lieutenant de la compaignye du capitaine Vincent Leroy, quartier de sire Michel Du Ru.
Pareilz mandemens que celluy dud. de Beausse envoiez aux seize Quarteniers de lad. Ville.
De Beauvais. n Mons1-le president, plaise vous trouver demain à une, actendant deux heures de relevée, en l'Hostel de ceste Ville, pour donner vostre advis sur les lettres patentes du Roy obtenues par m" Robert de Beauvais, ct vous prions n'y vouloir faillir. Faict led. jour et an. Pareilz mandemens à Mess" les Conseillers cie lad. Ville."
CCCCVII. — [Demission d'arquerusiers. — Renvoy de vagaronds au Prevost de Paris.]
[Refus des rourgeois d'aller au guet de nuict.]
[Remise d'armes cachées X des estrangers hors la porte Sainct Denis.]
20 juillet 1503. (H 1785, fol. 28 v°.)
Du xxe Juillet mil v° lxiii.
Mulot. Au jour d'huy, au Bureau de lad. Ville, Augustin Mulot, barquebusicr de lad. Ville, a declairé que, ti l'occasion de son ancien aage et indisposition de sa personne, il ne sauroit plus exercer led. estat de bar-quebusier, ct à ceste fin s'en est desmis entre noz
mains, requerant neantmoins main levée luy estre faicte des biens sur luy prins par execution ie jour d'hier par François Beaugendre, sergent de lad. Ville, pour la somme de dix livres parisis. A esle ordonné que, actendu lad. demission, il sera pourveu d'aultre personne capable et suffisant aud. estat; et en ce faisant, que les biens sur luy prins luy seront renduz, el les gardiens deschargez.